ഒരു ജനപ്രതിനിധിക്ക് നല്‍കുന്ന വോട്ടുകള്‍ സത്യത്തില്‍ ആര്‍ക്കുള്ളതാണ്?
അയാളുടെ പാര്‍ട്ടിക്കാണോ, ഭരിക്കാനും ജനങ്ങളെ സേവിക്കനുമുള്ള കഴിവിന് ആണോ?
അയാളുടെ പാര്‍ട്ടിക്കാണോ, ഭരിക്കാനും ജനങ്ങളെ സേവിക്കനുമുള്ള കഴിവിന് ആണോ?
മേല്‍പ്പറഞ്ഞ രണ്ടിനുമാണെങ്കില്‍ നല്ലത്. ഒരു പ്രത്യയശാസ്ത്രത്തില്‍ വിശ്വസിക്കുന്ന ഒരു നേതാവിനെ സമാന തത്വത്തില്‍ വിശ്വസിക്കുന്ന ജനങ്ങള്‍ക്ക്‌ വോട്ടു ചെയ്തു ജയിപ്പിക്കാന്‍ ഉള്ള സ്വാതന്ത്യമാണ് 'പാര്‍ട്ടിക്കുള്ള വോട്ട്' എന്നത് കൊണ്ട് ഉദ്ദേശിക്കുന്നത്.
രണ്ടാമത്തേതാണ് ഇന്ത്യന്‍ ജനാധിപത്യത്തില്‍ ഏറെ ചര്‍ച്ച ചെയ്യേണ്ടത്....
ഒരാള്‍ക്ക്‌ നല്‍കുന്ന വോട്ട് അയാളുടെ 'ഇനിയും തെളിയിച്ചിട്ടില്ലാത്ത ' ഭരണ മികവിനും ജനങ്ങളെ സേവിക്കാനുള്ള ആര്‍ജവത്തിനും ആണെങ്കില്‍ അതില്‍ എന്തോ കുഴപ്പമില്ലേ? ഒരു സ്ഥാനാര്‍ത്ഥിയുടെ കഴിവ് മനസിലാക്കാന്‍ ഇന്ത്യന്‍ ജനാധിപത്യത്തില്‍ ഒരേ ഒരു മാര്‍ഗമേ ഉള്ളൂ...അയാളുടെ പ്രസംഗം കേള്‍ക്കുക...സത്യത്തില്‍ പ്രസംഗത്തിന്റെ മേന്മ കൊണ്ടാണോ ഒരാളെ നാം വിശ്വസിച്ചു നമ്മുടെ നാടിന്റെ ഭരണം എല്പ്പിക്കേണ്ടത്?നമ്മുടെ മുന്‍പില്‍ എത്തുന്ന സ്ഥാനര്തികള്‍ക്ക് ഒരു യോഗ്യത എങ്കിലും വേണ്ടത് ആവശ്യമല്ലേ? സാമൂഹിക സേവന രംഗത്തോ അല്ലെങ്കില്‍ ജനസേവന രംഗത്തോ ഒരു മുന്‍പരിചയവും ഇല്ലാത്ത ഒരാളെ എങ്ങനെ ആണ് മന്ത്രിയാക്കുക? തെങ്ങ് കണ്ടിട്ടില്ലാത്ത ഒരാളെ 'സൈദ്ധാന്തികമായി' തെങ്ങ് കയറ്റം പഠിപ്പിച്ചു തേങ്ങ ഇടീക്കാന്‍ പറ്റുമോ? ഏത് ജോലിക്കും ഒരു 'മിനിമം' യോഗ്യത നമ്മള്‍ നിര്‍ബന്ധമാക്കരില്ലേ? അത് പോലെ ഒന്ന് രാഷ്ട്രീയത്തിലും വേണ്ടേ?
ഈ കഴിവിന് ഒരു മാനദണ്ഡം ഇല്ലാത്തതാണ് ഒരു ശാപം. ഒരു സിനിമ നടനോ നടിയോ മത്സരിച്ചു വിജയിക്കുക ആണെങ്കില്‍ അയാള്ക്ക് നല്‍കപ്പെടുന്ന വോട്ടുകള്‍ സത്യത്തില്‍ 'ജനസേവന രംഗത്തെ' അയാളുടെ സേവനത്തിനുള്ള അംഗീകാരം അല്ല, മറിച്ച്‌ വെള്ളിത്തിരയില്‍ അവര്‍ അനശ്വരമാക്കിയ കഥാപാത്രങ്ങള്‍ക്കുള്ള കൈയടി ആണ്. ഉദാഹരണത്തിന്
1999 ഇല്‍ വിനോദ് ഖന്ന എന്ന ബോളിവുഡ് നടനു വേണ്ടി ഹേമ മാലിനി പ്രചരണം നടത്തുകയും അദ്ദേഹം വിജയിക്കുകയും ചെയ്തു. ഇവിടെ വലിയ ശതമാനം വോട്ടുകളും ബോളിവുഡ് എന്ന സിനിമ വ്യവസായത്തിന്റെ ശോഭാക്കും ഹേമ മാലിനി എന്ന 'സ്വപ്ന സുന്ദരിയുടെ' സൌന്ദര്യത്തിനും ആണ്. എം.ജി.ആര്‍, ഖുശബൂ, എന്നിവരുടെയും രാഷ്ട്രീയ പ്രവേശത്തിന് സഹായകമായതും ഇതേ ഘടകം തന്നെ. എം. മുകുന്ദന്‍ ഒരിക്കല്‍ എഴുതിയത് ഓര്‍ക്കുന്നു...എല്ലാ മാധ്യമങ്ങളും ശ്രീമതി അരുന്ധതി റോയുടെ ലേഖനങ്ങള്‍ക്കും അഭിമുഖങ്ങള്‍ക്കും അമിത പ്രാധാന്യം നല്‍കി അവരുടെ ചിത്രം കവര്‍ പേജില്‍ നല്‍കുന്നത് അവരുടെ ആശയങ്ങളോടുള്ള താത്പര്യം കൊണ്ടല്ല, മറിച്ച്‌ അവര്‍ അതിസുന്ദരി ആയ ഒരു സ്ത്രീ ആയതു കൊണ്ടാണ്...
ഇവിടെയെല്ലാം സംഭവിക്കുന്നത്‌ വോട്ട് എന്ന കര്‍മ്മത്തിന്റെ ലക്‌ഷ്യം സാധൂകരിക്കപ്പെടുന്നില്ല എന്നതാണ്. മറ്റു പല ഘടകങ്ങളിലെക്കും അത് മാറി പോകുന്നു. സിനിമ നടന്മാര്‍ സ്ഥാനാര്‍ത്ഥികള്‍ക്ക് വേണ്ടി വോട്ട് ചോദിച്ചു ഇറങ്ങുമ്പോള്‍ സംഭവിക്കുന്ന നിര്‍ഭാഗ്യകരമായ പ്രശ്നവും ഇത് തന്നെ ആണ്. മോഹന്‍ ലാലോ മമ്മൂട്ടിയോ ഒരാള്‍ക്ക്‌ വേണ്ടി വോട്ട് ചെയ്യാന്‍ അഭ്യര്‍ഥിച്ചാല്‍ അയാള്ക്ക് കിട്ടുന്ന ചില വോട്ടുകളുടെ എങ്കിലും അവകാശം അവരുടെ കഥാപാത്രങ്ങള്‍ക്ക് ആയിരിക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ